• ×
الخميس 20 يونيو 2019 | 06-19-2019

الاشتراك على البريد

شعر / خلف بن هذال

قصيدة يابنت ياللي تطوي الثوب

قصيدة يابنت ياللي تطوي الثوب
متابعات 
يا بنت ياللي تطوي الثوب الارداف شط الحوار بدر بكر يميحه
في مرتع ٍ عشبه تغريف تغرياف وامه هجل ماشملوها منيحه
والعنق عنق مذير ٍ عقب ما شاف بواردي ٍ لا قف ٍ له بضيحه
والعين عين موحش ٍ راس مشراف يملا عيونه بالفجوج الفسيحه

يا بنت مانرضى المهونه والاضعاف ولنا علي روس المشاريف صيحه
فينا صفات الطيب يابنت الاوصاف ماتنطبق في غيرنا يامليحه
دخلينا يرقد وراء الوجه ما خاف يامن وتحماه السلوم الصريحه
ناسم عصاه ولويبي حج واطاف تحت الحما ما واحد ٍ يستبيحه

ونفوسنا دايم عفيفات وانظاف وابداننا من كل عله صحيحه
صاحين صافين المشاريب واشراف ماناكل الترديه والنطيحه
صلبين في وقت الشدايد وعراف منا المشوره واختيار النصيحه
وان ثارت الهيجالنا وسط واطراف وجه الحريب نقنعه بالفضيحه

واكرام لو يلحق بنا نقص وخلاف نملا الصحن ونلحفه بالذبيحه
يوم السنين الماضيه حيل وعجاف ينقر لنا من هبة الريح ريحه
والعيشه اللي تدبل البد تنعاف النفس عن ما تكرهه مستريحه
دنيا تموج ولا رسمنا لها اهداف ياما تحتها من فعول ٍ قبيحه

تجهز الغازي وتسرع بالانكاف ولا تنكف الا بالفلس والقميحه

 0  0  3878

ديوان الشعر والشعراء

جميع الأوقات بتوقيت جرينتش +3 ساعات. الوقت الآن هو 06:27 صباحاً الخميس 20 يونيو 2019.
Powered by Dimofinf CMS v5.0.0
Copyright© Dimensions Of Information.

جميع حقوق الصوتيات محفوظة لأصحابها ، في حال الرغبة بإزالة محتوى الرجاء مراسلة الإدارة ، نسعى لتقديم كل مميز من منصة واحدة